L-attakkant internazzjonali Malti ta’ Valletta, Terence Scerri, sar it-13-il plejer li daħal fil-Klabb tal-100 fil-lista tal-iskorers tal-Kampjonat Malti. Il-gowls tiegħu ġew 85 għal Hibernians u 15 għal Valletta.

F’din il-lista hemm plejers leġġendarji bħal Tony Nicholl li gawda l-ewwel post għal żmiem twil, Stefan Sultana li jinsabu fil-quċċata, it-trio ta’ Floriana, Tony Cauchi, Lolly Borg u Publius Demanuele fost oħrajn, bl-uniku barrani jkun Danilo Doncic li għamel din il-bravura meta fostna lagħab ma’ Valletta u Floriana.

Jidher li Gilbert Agius u Michael Galea jinsabu qrib ħafna li jaqbżu lil Tony Nicholl u mhix xi ħaġa impossibbli li wieħed minnhom anke jisfida lil Sultana għall-ewwel post.

L-aħħar wieħed li daħal fil-lista kien Ivan Woods, eżattament fl-20 ta’ Ottubru, 2006, jiġifieri tliet snin u kważi ħames xhur. Minn dak in-nhar huwa skorja 39 gowl ieħor biex tela’ fis-sitt post tal-klassifika. Bi 13-il gowl ieħor huwa jaqbeż fil-ħames post quddiem Doncic.



Il-logħbiet u l-gowls ta’ Terence Scerri

Staġun Logħbiet Gowls

2000-01 2 0

2001-02 6 2

2002-03 20 5

2003-04 21 8

2004-05 24 12

2005-06 19 7

2006-07 21 14

2007-08 23 11

2008-09 26 26

2009-10 19 15

Total 181 100



L-aqwa skorers ta’ kull żmien

197 – Stefan Sultana (Ħamrun S./Hibernians/Ħamrun S.)

173 – Tony Nicholl (Sliema W.)

171 – Gilbert Agius (Valletta)

167 – Michael Galea (Birkirkara)

151 – Danilo Doncic (Valletta/Sliema W.)

139 – Ivan Woods (Pietà H./Valletta/Sliema W.)

134 – Joe Zarb (Hamrun S./Valletta)

125 – Tony Cauchi (Floriana)

123 – Adrian Mifsud (Rabat A./Hibernians)

108 – Joe Brincat (Hamrun S./Floriana/Birkirkara/Sliema W.)

106 – Lolly Borg (Floriana)

101 – Publius Demanuele (Floriana)

100 – Terence Scerri (Hibernians/Valletta)