Birkirkara skorjaw fit-30 mi­nuta meta Trevor Cilia xeħet ġewwa mir-rebound, wara li Bartolo salva u ma żammx xutt ta’ Vukanac - gowl, li iżda, ġie mħassar minħabba offside dub­już ħafna.

Fit-tieni taqsima, l-Istripes ħarġu aktar aggressivi biex final­ment għamlu l-iskor indaqs fit-48 minuta, meta MICHAEL GALEA qabad il-ballun barra l-kaxxa u b’xutt b’saħħtu fil-baxx ma tax ċans lil Bartolo jsalva.

Gowl li ħarbat il-pjani ta’ Msi­da, tant, li żewġ minuti wa­ra Birkirkara reġgħu skorjaw.

Kien, fil-50 minuta, meta Thomas Paris ta lejn KARL PU­LO li wara li dar ma’ difensur, b’xutt bid-dawra xeħet fir-rokna għal dak li kellu jkun il-gowl deciżiv.

Wara dan il-gowl Msida naq­su li jagħmlu reazzjoni biex Bir­kirkara żammew il-vantaġġ, anzi kellhom fejn jiskorjaw iktar, iżda kieku ġara hekk forsi kien ikun inġust ma’ Msida, li apparti r-riżultat għandhom ikunu sodisfatti bil-prestazzjoni tagħhom.



MSIDA SJ: Manuel Bartolo, Adrian Farrugia, Matthew Borda, Tyrone Farrugia, Roderick Baldacchino, Zoran Levniac, Adam Spiteri (Andrew Formosa 81), Kevin Mifsud, Miguel Ciantar, Emiliano Lattes, Ndayi Kalenga

BIRKIRKARA: Jorge Mora, Trevor Cilia, Rowen Muscat (Ryan Scicluna 79), Nikola Vukanac, Branko Nisevic, Carlo Mamo, Thomas Paris, Karl Pulo (Sylvano Comvalius 72), Paul Fenech, Michael Galea, Alan Tabone (Shaun Bajada 67)

REFERI: Alan Mario Sant 8

ASS. REFERIS: Philip Agius, Malcolm Mercieca

RABA UFFIĊJAL: Marco Borg

SKORERS: N.Kalenga 20 (MSJ), M.Galea 48, K.Pulo 50 (B)

L-AĦJAR PLEJERS

1. Michael Galea (B)

2. Karl Pulo (B)

3. Miguel Ciantar (MSJ)

PLEJER TAL-LOGĦBA

Karl Pulo (Birkirkara)

AMMONITI: K. Mifsud, A. Farrugia, T. Farrugia (MSJ), T. Cilia, T. Paris, B. Nisevic, S. Ba­jada (B)