Sewwieqa oħrajn li kienu għad­dejjin mill-istess triq sejħu għall-ajjut fejn fuq il-post marret ambulanza b’infermiera kif ukoll it-tim mediku tal-ERT, im­mexxi minn Dr Jonathan Joslin, kif ukoll il-membri mid-Dipartiment tal-Protezzjoni Ċivili. Kif waslu sabu li l-passiġġier kien diġà ħareġ mill-karozza, imma s-sewwieq inqabad fit-tif­rik. Minħabba li matul il-lejl għamlet ix-xita, il-karozza spiċ­ċat fil-ħamrija mxarrba u ratba.

B’xorti tajba kif waslu t-tim ta’ salvataġġ flimkien mat-tim me­diku x-xita naqset ħafna im­ma l-ħaxix għoli u mxarrab kom­pla jagħmel l-oprezzjoni ta’ salvataġġ aktar diffiċli min­ħab­­ba ż-żlieq. Il-membri tal-Pro­tezzjoni Ċivili kellhom iqaċ­ċtu parti mill-karozza biex inħa­reġ is-sewwieq li ttieħed l-Isptar Mater Dei fejn instab li kien qed isofri minn ġrieħi gravi, iż­da mhux fil-periklu tal-mewt. Min-naħa l-oħra l-passiġġier ma ġralu xejn. Il-Pulizija tad-Dis­trett, immexxija mis-Surġent Alan Buhagiar, ħejjew ir-rapport.

• Sadanittant il-kundizzjoni tat-tfajjel ta’ sitt snin li korra gra­vi nhar is-Sibt, ġiet deskritta bħa­la stabbli, imma xorta baqa’ jin­żamm fit-Taqsima tal-Kura In­tensiva. L-aċ­­ċident seħħ nhar is-Sibt għall-ħabta tal-5.30 p.m. fi Triq Vil­labate, Ħaż-Żabbar bejn ka­roz­­­za Toyota Belta u Ford Transit.

L-istqarrija tgħid ukoll li fit-Toyota kien hemm tliet persuni, fosthom it-tifel ta’ sitt snin. Ħadd mill-persuni l-oħrajn involuti fl-aċċident ma sofra xi ġrieħi.

pisani.journalist@gmail.com

http://www.johnpisani.net