|
|
| Mexxej deċiżiv |
|
IL-gimgħa li għaddiet kellna l-aqwa konferma fil-Parlament u fuq it-TV li Joseph Muscat hu mexxej deċiżiv. Flok waqa’ fin-nassa mixtieqa minn tal-PN li jmaqdar kollox u jipproġetta lill-PL bħala l-Partit tal-LE, kien kreattiv, pro-attiv u propożittiv. Iżda fejn kellu għalfejn jikkritika kien inċiżiv u effettiv.
Għalkemm tal-PN jgħajruh li l-uniku tir li għandu hu li jsir PM ta’ Malta, wera bil-fatt li mhux kuntent jirbaħ biss minħabba l-garr li hawn kontra l-Gvern. Irid jirbaħ fuq il-merti tiegħi. Fuq l-ideat friski u fuq id-dinamiżmu tiegħu.
Kull ma tmur in-nies tidher qiegħda ssir aktar għatxana għall-bidla. Liema bidla Joseph Muscat u sħabu biss jistgħu joffru għax qegħdin imissu l-polz u jindirizzaw l-aspirazzjonijiet tal-poplu. B’taħlita ta’ ħeġġa, impenn u esperjenza.
Problema akbar mid-defiċit
Meta wieħed jasal biex jgħid li għal GonziPN il-problema tal-kredibbiltŕ hija saħansitra akbar mill-problema tad-defiċit, ma tantx hemm fejn tasal iżjed. Aktar u aktar meta skont il-Baġit 2010 innifsu jidher li l-Gvern mar 234% żmerċ mit-tbassir oriġinali tiegħu. Marġini ferm akbar milli wieħed kien jista’ qatt jistenna anki jekk jieħu in konsiderazzjoni ċerti aġġustamenti li kellu jagħmel minħabba l-kriżi finanzjarja fid-dinja.
Din l-‘issue’ tal-kredibbiltŕ llum mhix biss ‘buzzword’ tal-PL iżda hija kelma fuq fomm kull ċittadin li niltaqa’ miegħu kif wkoll kwistjoni ta’ tħassib serju saħansitra fost ċerti deputati tal-PN innifsu.
|
Ftit ilu, id-deputat Nazzjonalista Jesmond Mugliett tkellem għat-tieni darba dwar il-kwistjoni tat-trab iswed waqt l-aġġornament tal-Parlament.
Dejjem skont dak li ġie rrapportat li qal fil-ġurnal tal-partit tiegħu stess, id-deputat Nazzjonalista qal dawn il-preċiżi kelmiet li tajjeb li wieħed jixtarrhom flimkien:
Ma teżistix l-impressjoni li l-Gvern qed jieħu l-problema tat-trab iswed bis-serjetŕ.
Illum qegħdin ngħixu fi żminijiet ta’ xjenza forensika u d-dewmien ma jagħtix impressjoni li qiegħda tingħata l-attenzjoni li l-poplu jistenna.
Il-poplu mhux jingħata s-sodisfazzjon jekk hux qegħdin jittieħdu passi jew x’passi qegħdin jittieħdu dwar il-problema. Iżda aktar minn hekk id-deputat tal-PN qal xi ħaġa li ilna nikkummentaw dwarha min- naha tagħna, inkluż jien bħala Kelliem Ewlieni dwar l-Ambjent. Kif tikkonferma l-konferenza stampa li kont għamilt Kordin flimkien mas-Sindki tar- Reġjun.
Primarjament (skont Mugliett wkoll) li ħassu insolentat li d-dikjarazzjoni tal-Enemalta meta fil-bidu tas-sajf ċaħdet li kienet qiegħda tikkawża dan it-trab u dan mingħajr ebda evidenza forensika.
Il-MEPA, mill-banda l-oħra, qalet li kellha kontaminazzoni tal-kampjuni. Ma jistenniex dikjarazzjoni bħal din fiż-żmien tal-avvanz teknoloġiku tal-lum.
Jien dejjem sħaqt u se nkompli nisħaq kif issa qed jagħmel ukoll id-Deputat Nazzjonalista li għandha tkun il-MEPA nnifisha li tidħol f’din il-problema u tagħti risposti fejn jidher li hemm nuqqas ta’ trasparenza u nuqqas ta’ ‘accountability’.
Xi żmien ilu kont sħaqt li l- kunċett ta’ “The Polluter Pays” m’għandux japplika biss għaċ- ċittadin komuni iżda wkoll għal meta jkun il-Gvern innifsu li qed iniggeż. Mugliett jidher li qiegħed fuq l-istess binarju meta ġie rrapportat li stqarr li l-kunċett li min iniggeż iħallas m’għandux japplika biss kontra ċ-ċittadin iżda wkoll għall-ħarsien taċ-ċittadin jekk ikun hemm tniggiż minn entitajiet kbar governattivi.
Iżda forsi l-akbar kundanna għall-Gvern ingħatat meta Mugliett għamel id- dikjarazzjoni ċara u kategorika li skont hu – kif inhi l-fehma ta’ ħafna oħrajn – il-MEPA mhix taqdi d-dover tagħha li tħares l-ambjent.
X’sar minnhom il-par idejn sodi?
WieĦed ikollu jistqarr li l-Elezzjoni Ġenerali ma ntrebħitx mill-PN iżda mill-‘image’ li Gonzi rnexxielu jipproġetta permezz ta’ GonziPN ta’ par idejn sodi. Illum jidher ċar li dawn l-idejn sodi dabu. Għaliex?
Għax jidher li tilef il-kontroll tal-partit u tal-istrutturi tiegħu. Tilef il-kontroll tal-Grupp Parlamentari. Tilef il-kontroll tal-Kabinett. Iżda agħar minn hekk tilef il-kontroll tal-qagħda ekonomika tal-pajjiż. Tilef il-kontroll tal-Finanzi ta’ gżiritna. U fl-aħħarnett tilef il-kontroll u l-boxxla mhux biss dwar ‘good gov˛ern˛ance’ iżda anki dwar prinċipji bażiċi ta’ ggvernar.
Il-festa ta’ Kristu Re fis-Swatar
NaĦseb li kien ta’ sodisfazzjon għar-residenti u l-Knisja Parrokkjali tas-Swatar li dan il-lokal żagħżugħ b’potenzjal li jkompli jikber laqa’ fi ħdanu ċ-ċelebrazzjoni djoċesana fl-okkażjoni tal-festa liturġika ta’ Kristu Re.
Għalkemm nemmen f’soċjetŕ lajka, bħala deputat tad-Disa’ Distrett, inħoss li d-deċiżjoni li din iċ-ċelebrazzjoni kienet ippjanata sa minn ġimgħat ilu li ssir quddiem il-Knisja Parrokkjali tas-Swatar bagħtet sinjal pozittiv li lokalitajiet relattivament ġodda għandhom l-istess rwol ta’ importanza fis-soċjetŕ Maltija, inkluża fil-kuntest reliġjuż, daqs l-aktar lokalitajiet antiki li ilhom stabbiliti sekli sħaħ. Prosit ta’ din l-idea!
www.leobrincat.com
|
|
Artikli oħrajn fis-sezzjoni Opinjoni
|
|
|
|
|
