Nhar is-Sibt 26 ta’ Set­tem­bru, assistejna għat-­twaq­qif tal-fondazzjoni IDEAT, L-ewwel Think Tank progressiva f’Mal­ta. Din il-fondazzjoni, li se tkun qiegħda tieħu post il-fondazzjoni Guzè Ellul Mercer, l-Fondazzjoni Mikiel Anton Vas­salli u s-Segretarjat Edukattiv tal-Partit Laburista, se sservi bħa­la ċentru ta’ studju politiku bil-għan aħħari li tiżvi­lup­pa, tipproponi u tippromwovi politika progressiva. Din il-fon­dazzjoni se tkun ibbażata fuq ideali soċjal-demokratiċi u progressivi Ewropej u hija mfas­sla fuq il-mudell tal-fondazzjoni tal-Partit tas-Soċjalisti Ewropej FEPS (Fondazzjoni Ewropea għall-politika prog­ressiva).

Il-Fondazzjoni IDEAT mis­tennija tieħu rwol ċentrali fid-diskussjoni dwar temi politiċi u ta’ ġrajjiet kurrenti b’ħarsa wkoll lejn l-edukazzjoni, l-arti, il-kultura u t-taħriġ. Filwaqt li tanalizza l-isfidi kurrenti ta’ paj­jiżna, l-IDEAT mistennija ta­dotta rwol proattiv f’oqsma bħall-promozzjoni tal-edukaz­zjoni, ir-riċerka u l-innovazzjo­ni, ix-xogħol, l-ambjent, l-ekonomija, u l-għajnuna soċjali fost diversi oqsma oħrajn biex tfassal ideat politiċi u r-riformi meħtieġa bil-għan li jintlaħ­qu soluzzjonijiet sostenibbli u tanġibli għal dawn is-setturi ferm sinifikanti u influwenti fis-soċjetà Maltija.

Għalhekk, din il-fondazzjoni se taħdem bil-għan li ssaħħaħ il-qafas ta’ ħsieb dwar temi kurrenti filwaqt li sservi ta’ katalista għall-ideat u soluzzjonijiet prog­ressivi. Il-Fondazzjoni se taħdem ukoll biex ittejjeb il-livell u l-kwalità ta’ diskussjoni bejn il-Partit Laburista, is-soċjetà ċivili u l-komunità.

Il-fondazzjoni IDEAT tħaddan il-valuri progressivi Ewro­pej fosthom li l-opportunita­jiet, il-poter u l-ġid komuni jkunu f’idejn il-ħafna u mhux il-ftit, li kull tifel u tifla jkol­lhom l-opportunità li jirnexxu, u li persuna tikseb ħafna aktar meta taħdem fil-komunità għall-komunità milli meta taħ­dem għaliha biss.

IDEAT se tkun qiegħda taħdem ukoll biex il-ġenerazzjoni preżenti u l-ġenerazzjonijiet li ġejjin jer­ġgħu jiksbu l-fiduċja fl-istituz­zjonijiet pubbliċi, fil-politiċi u fil-politika, fiduċja fil-kapaċita­jiet u t-talenti tagħhom li għand­hom iwasslu biex jintlaħ­qu l-ambizzjonijiet u l-miri tagħ­hom u l-għan aħħari li Mal­ta tkun fost l-aqwa fl-Ew­ropa.

Fost il-kelliema ewlenin għat-twaqqif tal-fondazzjoni kien hemm Aaron Farrugia, iċ-Ċerperson tal-Fondazzjoni IDEAT; Ernst Stetter, is-Segretarju Ġenerali tal-FEPS (Fondazzjoni Ewropea għall-politika progressiva; kif ukoll Dr Joseph Muscat.