Għalkemm Gonzi jaqbillu jaħseb li l-maġġoranza relat­tiva li kiseb fl-elezzjoni ġe­ne­rali madwar sena ilu għadha għandu, din ma tista’ qatt tkun il-verità. Dan għax, kif jafu tajjeb Gonzi u sħabu, ħafna mill-wegħdiet li saru eżatt qabel l-elezzjoni, issa ma nżam­mux.

Meta wieħed iħares lura lejn il-ġimgħat li għaddew, jidher tajjeb ukoll li ċ-ċittadin Malti, iktar kemm jgħaddi żmien, iktar qed jitbiegħed mir-rabta intima li seta’ kien bejn il-votant u l-politiku f’Malta. Il-votant Malti ukoll, qed isir, probabbilment bħal dak Ew­ro­pew, votant supperv li ma jagħ­tix il-vot tiegħu kif ġieb u laħaq.

Is-serbut twil ta’ nies jis­ten­new barra l-bibien tal-Kwar­tie­ri Laburista ftit tal-ġranet ilu xeh­det li jekk il-poplu Malti jko­l­lu jitkellem bla ma jara kuluri, jitkellem. Il-kwistjoni hi din. Li kont Gonzi, speċjal­ment, f’dan il-mument, noq­għod lura mill-kontroversji. Dan għax il-politika Maltija u l-opin­­joni pubblika qed tin­bidel ħafna iktar milli jaħseb hu, u l-maġġoranza ta’ siġġu wie­­ħed fil-Parlament mhix xi pożiz­­zjoni komda. Iżda m’għan­dhiex tkun l-unika ħa­ġa li tinkwieta lil Gonzi. Gonzi jista’ biss jattribwixxi s-skiet fil-pajjiż għal ċertu fatturi. L-ewwelnett, għax il-parassiti l-ħoxnin li tama matul iż-żmien fil-Gvern dejjem jibqgħu jiffinanzjawh biex ma jitilfux il-poter finanzjarju tagħhom fil-pajjiż; it-tieni, għax jeżistu dawk li għalkemm jiżżeffnu biex jivvutaw verament ma jifhmux fil-logħba tal-politika jew li lill-politika jarawha qisha reliġjon - emmen bla ma tis­taq­si; u t-tielet għax l-oppożizzjoni hija pjuttost passiva.

Bħala osservatriċi tal-poli­ti­ka Maltija konvinta li kie­ku l-Mex­xej tal-Partit Laburista irid iwaqqa’ l-Gvern – ovvja­ment mingħajr vjolenza –jista’. Il-Gvern ma jridx jinsa li apparti s-siġġijiet fil-Parlament u l-elezzjonijiet li jiġu deċiżi fuq l-għadd tal-voti, hemm mezzi oħrajn, li minn żmien għal żmien ikollhom jintużaw meta ċ-ċittadin ma jibdiex jaqbel mal-gvern tiegħu. F’dawn il-każijiet tkun ħafna drabi l-Oppo­żiz­zjoni li tmexxi dawn l-istrateġiji, biex gvern jinkines, iżda jridu jkunu propju mumenti fejn il-poplu jew il-maġġoranza kbira tiegħu, ikun verament imdejjaq bil-politika tal-gvern.

Donnha li l-oppożizzjoni għall-politika tal-Gvern qiegħ­da dejjem tikber. Veru li l-oppo­nen­ti dejjem għandhom ċans li jinfirdu bejniethom u l-Gvern minn dan jista’ biss igawdi, iżda, min-naħa l-oħra jidher ukoll li l-front ta’ oppożizzjoni kon­­tra l-Gvern iktar kemm jgħad­di ż-żmien iktar jis­saħ­ħaħ uj ibda jilħaq ċerta konsistenza. Mhux se ngħid hawnhekk kif nemmen li Gvern Nazzjonalista preżenti jista’ jaqa’ permezz tal-poplu – u paċi­fi­ka­ment – m’hu­miex affa­ri­jiet li jiġu diskussi fil-gazzetti pub­bli­ka­ment.

Jekk dawn l-affa­rijiet niddiskutihom il-post se jkun wiċċ imb’wiċċ ma’ nies li għand­hom għal qalb­hom il-ġid tal-pop­lu kif ukoll li għand­hom f’idej­hom il-poter li ja­ġix­xu. Irridu niftakru li jekk il-Gvern jitle fis-sostenn tal-poplu, anke jekk il-poplu semp­li­ċe­ment jiddeċiedi li ma jobdiehx, is-sitwazzjoni politika fil-pajjiż tista’ ssir waħda ferm im­wiegħ­ra. Li ma jridx jinsa l-PM Gonzi huwa ukoll il-fatt li flus m’għandux, u ċioè, li ħafna drabi, il-flus li qed jmexxi l-paj­jiż bihom iġibhom mit-taxxi li qed jimponi dejjem iktar fuq il-poplu, u għalhekk bla ma jaf, Gon­zi stess u l-predeċessur tiegħu, daħlu fi trabokk ta’ djun li jista’ jwassal għall-istess tiġrif tagħhom. Jekk il-fonti ta’ flus, li huwa propju l-poplu Malti, jirribella, il-gvern ma jkollux flus, u bla flus, ma na­fux x’jista’ jagħmel Gonzi… speċjalment jekk bl-uffiċjali tiegħu qiegħed ripetutament jispiċċa iktar jagħti lill-Unjoni milli jieħu!

Wieħed jistenna u jara. Żgur li f’din is-sekwenza kollha se jkollha parti ukoll l-elezzjoni tal-Parlament Ewropew li se tkun indikazzjoni tajba ta’ kemm hu kuntent jew skun­tent il-poplu Malti bil-Gvern tal-ħames bozoz. Il-problema f’każijiet bħal dawn hija li ftit hu­ma dawk li jistgħu jitkellmu mill-esperjenza fuq meta l-poplu jkun verament skuntent bi gvern (jekk mhux dawk li għexu l-esperjenza tal-1958 li wasslet għat-tluq tal-Imperu Ingliż). Iżda ż-żerriegħa tidher li nżergħet. Jekk tikbirx jid­de­pen­di ukoll min k kif isaqquha dawk li suppost jaraw li jsaq­quha ħalli twassal għall-frott mix­tieq. Li kont Gonzi, noq­għod attent, imma wara kol­lox, jekk Gonzi, ma jistax jagħ­mel mod ieħor, ftit li xejn jista’ joqgħod attent.