Fil-lukanda l-gdida Radisson Golden Sands and Spa, illum se jiltaqa’ l-Kungress Nazzjonali tal-GWU. Minbarra l-programm fl-iskeda, li jinkludi l-interventi tad-delegati u tal-mistednin, din is-sena se ssir ukoll il-votazzjoni ghall-karigi kollha ta’ l-amministrazzjoni centrali tal-GWU.

Ghall-kariga ta’ Segretarju Generali tal-GWU kkontestaw Tony Zarb u Emmanuel Micallef. Ghall-kariga ta’ Deputat Segretarju Generali (Internazzjonali u Edukazzjoni) ikkontestaw Michael Parnis u Emmanuel Micallef. Ghall-kariga ta’ Deputat Segretarju Generali (Taqsimiet u Amministrazzjoni) ikkontestaw Josephine Attard Sultana, Roberto Cristiano u Geitu Mercieca. Ghall-kariga ta’ President ikkontestaw Salv Sammut u Raymond Arpa u ghall-kariga ta’ Vici-President ikkontestaw Helen Mallia u Godfrey Borg.

Il-Kungress mistenni jiftah ghal habta tad-9.00 a.m. Wara d-diskors tal-ftuh li jsir mill-President, ikun hemm il-votazzjoni ghall-hatra ta’ President, Vici-President, Segretarju Generali u Deputat Segretarju Generali (Taqsimiet u Amministrazzjoni).

Wara din il-votazzjoni jinqara r-rapport amministrattiv u dak finanzjarju u mbaghad isiru l-messaggi internazzjonali.

Imbaghad mistenni jindirizza l-Kungress is-Segretarju Generali ta’ l-ETUC John Monks, segwit mill-Kap ta’ l-Oppozizzjoni Dr Alfred Sant u l-Agent Prim Ministru Tonio Borg.

Kif jintemmu dawn id-diskorsi jithabbar ir-rizultat tal-votazzjoni u wara jkun hemm il-votazzjoni ghall-hatra ta’ Deputat Segretarju Generali (Internazzjonali u Edukazzjoni), u jekk ikun hemm il-htiega, issir it-tieni elezzjoni ghall-hatra ta’ Deputat Segretarju Generali (Taqsimiet u Amministrazzjoni).

Wara l-waqfa ghall-ikel tinqara r-rizoluzzjoni mressqa mill-Kunsill Nazzjonali. Fost il-punti mressqin fir-rizoluzzjoni hemm li l-GWU se tibqa’ tissalvagwardja u taghti wens lill-haddiema u pensjonanti, li l-GWU se tibqa’ tkun protagonista u tressaq proposti serji f’diversi oqsma, li l-GWU se tibqa’ attiva biex tara li l-pizijiet ma jintrefghux biss mill-haddiema u l-pensjonanti u li l-GWU se tibqa’ tinsisti mal-Gvern biex jimpenja ruhu bis-serjetà fl-investiment u biex jikkontrolla n-nefqa pubblika u l-abbuzi fit-taxxa u fi skemi socjali.

Ir-rizoluzzjoni tghid ukoll li l-GWU lesta tiddiskuti ma’ kull min ghandu rieda tajba u li l-GWU se tkun qieghda tahdem biex thares l-interessi tal-haddiema, il-pensjonanti, iz-zghazagh u familji taghhom.

Wara jkun imiss ir-rizultat tat-tieni votazzjoni u mbaghad ikun hemm id-diskussjoni dwar ir-rizoluzzjoni. Il-Kungress jintemm bid-diskors tas-Segretarju Generali.