Il-poplu skantat u mmeraviljat kif ir-reġim huwa kapaċi daqshekk fl-insiġ tal-bizzilla. Li kieku kellu l-istess kapaċità fil-ħila politika jew dik amministrattiva, kieku pajjiżna kien javvanza bil-kbir f’dawn l-aħħar snin. Iżda l-isfortuna tagħna hija li filwaqt li r-reġim jaf jinseġ l-affarijiet bizzilla fejn jaqbillu hu, qatt ma juri l-istess ħila biex itejjeb ħajjet il-poplu. Tant jinħadmu bizzilla ċerti sitwazzjonijiet li jibda jiġik dubju jekk hux qed tgħix ma’ Alice fil-“Pajjiż tal-Meravilji”, jew f’dak tal-kumbinazzjonijiet.